FLASHBACK CONTINUES…
TANGGAP ni Harris na mawawala na sa kanya ang lahat. Wala ng bahay, wala na ang restaurant, walang sasakyan at kahit anong luho na mayroon siya. Tanggap niya lahat. Maghirap, bumalik sa dating buhay at tumirang muli malapit sa ilog o estero. Kahit halos hindi makumpleto ng tatlong beses sa isang araw ang pagkain, tanggap niya. Lahat-lahat. Ano pa ba ang hindi niya kayang tanggapin kung babalik lang siya sa kahirapan? Wala. Lahat iyon ay lulunukin niya ng buong-buo.
Isang bagay lang ang hindi niya kayang tanggapin, ang mawala ang mga magulang niyang higit pa sa ginto ang halaga. Higit pa ang value kaysa sa buhay niya.
Tulo ang sipon buhat ng paghagulgol, puno pa rin ng luha ang mga mata ay pasuray-suray sa paglalakad si Harris bitbit ang nangangalahating brandy na ha
