HINDI nakaligtas sa paningin ni Harris ang nang-iinsultong sulyap sa kanya ni Saña nang makababa ng tuluyan sa sasakyan nito. Nang-uuyam na tiningnan siya mula ulo hanggang paa —napakagwapo. Naka-simpleng pambahay lang kasi siya, suot ay sandals na panlalaki. Hindi na siya nag-abala pang magbihis ng maayos. Dahil sa totoo lang ay biglaan iyon. Nakalimutan niyang mag-ayos at magpalit ng damit na mas magara o medyo pormal. Hindi naman siguro siya mukhang basahan sa suot niya.
Hinagod niya ng tingin ang sariling damit. Maputi naman ang suot niyang naka-tuck out plain white shirt na may naka-print na CK sa bulsa ng kaliwang dibdib niya. Malinis, walang mantsa at mukha namang plantsado, liban sa laylayang bahagyang nagusot. Ang suot naman niyang khaki cargo pants ay mukha namang malinis din. S
