MARIING napamura si Saña nang hindi pa rin sinasagot ni Harris ang phone nang ilang beses niyang pinindot ang numero nito. Noong una ay nagri-ring. Ngayon ay wala na talaga. Halos tatlong araw na naman itong nawawala. Hindi na naman niya mahagilap at ngayon ay hindi na makontak.
Did Harris made her stupid? Hindi siya maghahabol dito para sa wala. Gusto rin naman niyang matapos ang lahat. Ang nakakainis lang ay pinahihirapan siya ng barabas na ito.
Naibato tuloy ni Saña ang phone at automatic na tumama sa sofa.
“Relax,” sabi ni Willard habang prenteng nakaupo sa maliit niyang sofa at tiningnan lang ang pobre niyang phone.
Hindi niya alam kung paano nito nalaman ang bahay niya ngunit sigurado naman ay dahil sa kanyang papa.
“Tinawagan mo na lang sana ako. Hindi mo naman kailangang magpu
