“Mabuti naman nakaabot ka, Chelsea. Pasok ka na sa loob.”
Mula sa labas ay narinig kong turan ni Tornado.
“Thank you. Happy birthday, Tornado.” Kahit na mahina ay maririnig ang malambing na boses ni Chelsea. “Here’s my gift.”
“Mamaya na, Chels. Pasok ka na muna sa loob dahil aalis na tayo.”
Maya-maya pa nga ay nagbukas ang pinto ng van at bumungad doon si Chelsea na nakasuot ng isang body hugging dress na umaabot lang yata hanggang sa kalahati ng kanyang hita. Inilibot niya ang tingin sa loob at noong magtama ang aming mga mata ay agad siyang umirap.
“Hi, girls.” Nakangiting bati niya kina Donna at Lei, pagkatapos ay hinagkan ang mga ito sa pisngi bago nagtungo sa likod kung saan naroroon si Caleb.
Tumingin na lang ako sa labas dahil nandito ako
