Maingat na ipinarada ni Donna ang kanyang sasakyan sa tabi ng sasakyan ni Kane. Mula sa labas ay nakita ko na isa-isa na silang lumalapit sa kung saan kami naroroon.
“Let’s go!” Unang lumabas si Lorelei na hindi ko na natawag para hintayin man lang kami. Tiningnan ko si Donna na noon pala ay nakatingin din sa akin.
“Hindi ka pa bababa, babe?” nakataas ang kilay na tanong niya.
Napatikhim ako at agad na nagtanggal ng seatbelt. “No. Bababa na rin.”
Ramdam ko pa ang panginginig ng aking daliri habang pinipindot ang suksukan ng aking seatbelt. Kung puwede nga lang na rito na lang muna ako sa loob. Hindi ko alam kung bakit bigla akong natakot na humarap sa mga kaibigan namin.
Narinig ko ang pagbukas ng pinto sa gilid ni Donna kaya wala na rin akong choice
