I’m hugging myself as fear slowly eating me alive. Nakatulala rin ako sa aking cellphone na nasa ibabaw ng aking hita na kanina pang purong itim lang ang makikita sa screen. Habang kausap ko si Caleb kanina ay tuluyan nang naubusan ng baterya ito. Kung kailan naman inaasahan ko na masasamahan ako nito bago sila dumating. Ang ikinalulubag lang ng aking loob ay nagawa kong banggitin ang lokasyon kung nasasaan ako ngayon. Hinihiling ko lang na sana ay ligtas silang makarating dito.
“Uhmm... miss?”
Nag-angat ako ng ulo nang marinig ang nag-aatubiling tinig mula sa isang babae. Ang bumungad sa akin ay ang kahera ng convenience store sa kung saan ako naroroon ngayon. Napatikhim ako at akmang tatayo ngunit nanginig lang ang aking mga tuhod. Inalalayan naman niya ako para makaupong
