“How’s my princess? Hmm…”
Napangiti ako nang marinig ang malambing na boses ng aking ama. Kasalukuyan kaming magkausap sa FaceTime. Katatapos ko lang maligo at kasalukuyang nagpapahinga sa kama. Kanina ay kumbinsido na ako na okay na ako pero kanina habang nasa banyo ay muntik na akong matumba, kung hindi lang ako nakahawak sa shower faucet. Hindi ko alam kung bakit biglang umikot ‘yong paningin ko, kaya kahit plano kong magbabad sa paliligo para bawiin ‘yong isang araw na wala akong ligo ay wala akong nagawa kung hindi ang magmadali na rin. Halos tatlong minuto nga lang yata ako sa loob at iyon na ang pinakamabilis kong pagligo.
Eksakto namang nagpapahinga ako nang tumawag si Daddy. Mabuti na lang din pala at kanina pa ako nakauwi kung hindi ay hindi ko alam kung paano na na
