I woke up early the next day. Alas nueve pa ang pasok pero wala pang alas sais ay gising na ako at naghahanda sa pagpasok. Una ko munang inayos ang mga pasalubong ko para sa mga kaibigan ko. Habang nasa Siargao ay iyon agad ang nauna kong isipin kung ano ang maiuuwi ko sa kanila. Inilagay ko ang mga ‘yon sa isang paper bag bago ko naman inasikaso ang sarili. Black na off-shoulder crop top at ripped jeans ang sinuot ko pagpasok sa university dahil wala namang uniform na sinusunod doon.
“Ano’ng oras kita susunduin mamaya, hija?” tanong ni Mang Ador habang ipinagda-drive ako papunta sa Coleman University.
“Six pa po ng gabi ang last subject namin pero i-message ko na lang po kayo kung sakali na mabago ang oras ng uwi ko.”
Kahapon ay nagpasya akong sa mansion muna dumire
