“Dahan-dahan naman, Donna. Baka mahulog ka!” sigaw ni Rusty sa kalagitnaan ng panonood namin ng movie.
Abala kasi kami sa pinapanood ngunit maririnig din ang malalakas na yabag ng paa ni Donna pababa ng hagdan kaya hindi maiwasang hindi mapansin iyon. Kanina ay kasama lang namin siyang manood ngunit umakyat siya saglit dahil nakalimutan daw niyang tanggalin sa pagkaka-charge ang cellphone niya.
Napatingin din ako sa gawi ng hagdan at nangunot ang aking noo nang nakitang kung paano pa niyang tinalon ang huling baitang. Aba’t ano’ng akala niya sa sarili niya? Si Spiderman? Bakit ba kasi nagmamadali?
“Hayaan n’yo na. Crush kasi ni Donna si Jason Momoa kaya nagmamadali!” tumatawang sabi ni Lei, tinutukoy iyong main character sa pinapanood naming palabas.
“Sorry nama
