SOFIA
Hindi na ako napilit ni Chase na mag-stay ng matagal sa opisina niya. Almost ten o'clock na nang nakarating ako dito sa apartment.
Pagod na pumasok agad ako sa silid na tinutuluyan ko. Nagbibihis ako ng marinig ko ang sunod-sunod na katok mula sa labas ng pintuan.
“Handa na ang dinner mo, Sofie,” sabi sa akin ni Ate Em.
“Salamat, ate,” matamlay na sagot ko dahil pinagod na naman ako ni Chase kanina.
“May sakit ka ba, Sofie?” bakas ang pag-aalala sa tinig na tanong ni Ate Em sa akin.
“Wala po, ate.” Sinabi ko sa kaniya na napagod ako sa trabaho ko ngayon, kaya inaantok na ako.
“Lagi ka na lang kulang sa tulog nitong mga nakaraang gabi, Sofie. Baka bumagsak na ang katawan mo n'yan.”
Hindi na ako sumagot. Ngumiti lang ako kay Ate Em at lumabas na nang silid para kumain. Pinilit
