SOFIA
Hindi pumayag si Chase na magtrabaho ako ngayong araw, kaya sinamantala ko ang pagkakataon na puwede akong matulog at magpahinga na lamang.
Tamang-tama ito dahil aalis rin ako mamayang gabi para bumalik sa bar, kaya mas mabuting makabawi ako ng tulog dahil palagi na lang akong napupuyat nitong mga nakaraang araw.
Sinamantala ko na rin ang pagkakataon na buksan ang cabinet at damitan ni Chase ngayong wala siya para makita ko kung ano ang laman ng mga ito.
Nagkunwari akong naghahanap ng isusuot ko dahil hindi ako komportable na matulog na suot ang damit pang opisina na nasa katawan ko ngayon.
Disappointed na kinuha ko ang puting t-shirt ni Chase at sinuot ito. Wala kasi akong nakitang kahit anong document at ebidensya na may kinalaman sa kaniya at sa organisasyon na hinahanap k
