SOFIA
“Saang lugar ka nakatira, Sofie?” Narinig kong tanong ng lalaking kasama ko dito sa loob ng sasakyan, habang mabagal na nagmamaneho dahil bukod sa malakas ang buhos ng ulan ay ma-traffic na rin sa kalsada.
“Patingin ng picture,” seryoso ang ekspresyon na sabi ko sa kaniya at hindi sinagot ang tanong niya.
Kanina pa ako nagpipigil na komprontarhin siya. Ang hirap magpanggap na mabait at tahimik dahil hindi ganito ang personality ko pero dahil kailangan kong manatiling kunwari ay walang kakayahan at mahinang babae sa paningin niya, kaya tiniis ko ang urge na batukan siya dahil sa ginawa niya kanina.
“What picture?” patay malisya na tanong ni Chase Mondragon sa akin.
Ganito rin ang nangyari kanina sa opisina niya. Mukhang habit na yata ng lalaking ito ang mag-kunwaring walang alam,
