SOFIA
“Gusto mo bang dito na lang sa room natin tayo mag-dinner, honey?” Narinig kong tanong ni Chase, habang nakaupo ako dito sa sofa at nanonood ng palabas.
Kalalabas lang niya mula sa bathroom. Nakabihis na rin pala siya, suot ang itim na jogger at puting t-shirt.
Kapag pala ganito ang suot niya at hindi corporate attire ay mas bata siyang tingnan.
“Honey.” Untag ni Chase sa akin dahil hindi agad ako nakasagot.
“Ha?”
Napangiti tuloy siya sa harap ko. “Gwapo na siguro ako, kaya natulala ka na habang nakatingin sa akin.”
Nag-iinit ang mga pisngi na inirapan ko siya. “Ang yabang mo, Mr. Mondragon.”
Malakas na tawa ni Chase ang narinig namin dito sa silid niya. Tuwang-tuwa pa siya sa nakitang pamumula ng magkabilang pisngi ko dahil natulala nga ako sa harap niya pero syempre, hin
