Nagkaharapan kami ni Yuri. Nakatingala ako sa kanya habang nakatingin sa gwapo niyang mukha. Siya naman, medyo nakayuko ang ulo at tinititigan ako sa mata. Ito na naman ang kaba na nararamdaman ko.
Bumaba ang tingin niya sa aking labi. Ewan ko pero bigla akong napakagat-labi. Hindi naman sa ayaw kong mahalikan pero kasi, iba kami ni Yuri. Kakakilala lang namin. Wala nga kaming relasyon kanina, ngayon meron na dahil isa na kaming ganap na mag-asawa.
Naalala ko si Dominic, parang dati lang, ito ang humahalik sa labi ko pero ngayon, mukhang may iba ng lalaki ang dadampi ang labi sa labi ko.
Dahan-dahang lumapit ang mukha ni Yuri sa mukha ko. Kinabahan ako lalo. Kaunti na lang, bibigay na nag tuhod ko.
At nangyari nga ang nangyari, bigla na lamang bumigay ang tuhod ko at babagsak na sana a
