ELLYSE MARIE ROMANO-DEL PIERRO
“Ikaw ba ang naglagay kagabi ng kumot sa katawan ko?” tanong sa akin ni Yuri na ikinagulat ko. Pareho na kaming nasa sasakyan ngayon at nasa biyahe na. Papasok na kami sa school.
Itatanggi ko ba na ako ang nagkumot sa kanya kagabi? Aaminin ko ba? Pero kasi baka kapag umamin ako, tatadtarin na naman ako nito nang pang-aasar.
Hindi ako makatingin kay Yuri. Ramdam ko naman na nakatingin siya sa akin. Actually, nakatitig nga yata siya sa akin.
Maya-maya ay huminga muna ako ng malalim bago tumingin kay Yuri na seryosong nakatingin sa akin.
“Hindi. Bakit naman kita kukumutan?” pagtanggi ko. Diretso pa ang tingin ko sa mga mata niya para mas convincing ang pagtanggi ko.
“Talaga?” Hindi naniniwala ang tono niya. Nagsasalubong pa ang kilay niya.
Tinaasan ko siy
