Kabanata Labing Lima
Umuwing bigo sila Marcus. Mula nang umalis si Anita sa isla ay hindi na ito bumalik pa sa maliit na klinika kung saan ito nagta-trabaho. Mukhang nagtago na ito nang tuluyan. Mukhang alam nito ang magiging kaparusahan sa ginawa nito sa asawa ni Marcus.
Pag-uwi niya ay kaagad niyang hinanap ang asawa ngunit hindi niya nakita si Ria sa mansyon. Nakaramdam na naman siya ng takot. Hinalughog na naman niya ang mansyon. Galit na galit siya sa mga tauhan ng kanyang ama. Paanong nawala na naman sa paningin nila si Ria? Kung pwede langay babarilin niya na ang mga ito. Pero pinipilit niyang pinapakalma ang sarili niya.
Hanggang sa dumating na ang gabi at narinig niyang tumatawag si Manong Joven sa kanya mula sa labas ng mansyon.
"Marcus!" sigaw nito. Dali-dali naman
