Kabanata Labing Isa
Nagpaalam si Anita sa amin ni Marcus kaninang umaga. Babalik na raw siya sa kabilang isla para magtrabaho. Nilapitan niya ako kanina at may ibinigay siya sa akin na gamot daw. Iniinom daw iyon ng mga pasyente niya dahil maganda raw iyon sa katawan. Para sa magandang pagdaloy ng dugo sa katawan at para raw iyon sa puso. Nagpasalamat naman ako dahil inaalala niya ang kalusugan ko. Mabait naman ang kaibigang 'yon ni Marcus. Mukhang kaibigan na nga rin ang turing niya sa akin dahil iniisip din niya ako. Dahil doon ay mas lalo akong naging kampante. Napatunayan ko na hindi naman talaga totoo ang mga sinasabi ng karamihan tungkol kay Anita at Marcus. Siguro talagang mali lang sila ng intindi dahil palaging magkasama silang dalawa noon.
May tiwala rin naman ako kay Marcus. K
