Tahimik ang lahat habang pauwi na sa mansion. Naka-upo sa harapan si Hayden habang ang mag-ama ay magkatabi at ang nanny ni Raya. “Kuya Bog’s, pakihatid po ako sa rest house gusto ko muna mapag-isa.” Basag ni Raya sa katahimikan, mahabang buntong hininga naman ang pinakawalan ni Edward bago ito nagsalita. “Raya, hindi ka pa makakalakad hindi ka puwidi doon lalo na kung wala kang kasama. Anak mag-usap muna ta’yo hindi muna ako pupunta ng site. Hayden, mauna ka na sa site dalhin mo ang kotse ko iyon muna ang gagamitin mo. Kapag may kailangan ka’yo tawagan mo lang ako.” Utos ni Edward kay Hayden.
“Masusunod po sir.” Magalang na sagot naman ng binata. Ilang sandali lang ay narating nila ang mansion, agad bumaba si Hayden at pinagbuksan ang mag-ama. Sa di kalayuan ay nakatayo ang dalawang la
