Raya
Nakatanaw ako sa labas habang masayang nag-uusap sina daddy at Hayden. Hindi ako lumapit sa kanila kahit tinatawag ako ni dad ay mas pinili ko na dito na lang sa terrace umupo. Inaamin ko nakonsensiya ako sa pagsampal ko kay Hayden kagabi. Gusto ko mag sorry kaya lang hindi na ako pinapansin ng binata. Iniiwasan na rin niya ako hindi ko tuloy alam kung saan ako lulugar pakiramdam ko lumiit ang puwesto ko kapag katabi ko si daddy.
“Senyorita, gusto mo bang lumapit ta’yo doon sa kanila?” Tanong sa akin ni Nanny Slyvia, pinanliitan ko siya ng mata dahil kanina pa niya ako kinukulit na kausapin ko raw si Hayden. Huminga ako ng malalim hindi ko sinasadyang mahulog sa tubig kagabi nahulog ang larawan ni mommy kaya pilit ko iyon inabot. Sa kasamaang palad ay nahulog ako sa pool, mabuti na
