Chapter Eleven
Halos paliparin na naman ni Troy ang sasakyan pabalik sa Maynila. Pakiramdam niya kasi kung hindi siya magmamadali ay mawawala na naman bigla si Quinn sa radar niya.
"Napaka-gago mo talaga. Ang smooth ng drive ko kaninang natutulog ka. Ngayon, parang si Satanas ang nagmamaneho. Paano naman ako makakatulog niyan?" saway ni Travis sa kanya.
"Pag-uwi ka na lang sa bahay mamaya matulog. Mabilis lang naman 'to," seryosong sabi ni Troy.
Wala naman nang nagawa pa si Travis kundi maging mulat sa buong biyahe nila pabalik sa Maynila. Sinamahan na rin niya ng dasal dahil sa bilis ng pagmamaneho ng kapatid niya. Pakiramdam niya talaga ay hindi na siya makakaabot ng December para sa kasal niya.
Nang makarating sila sa Maynila ay ibinaba na lamang ni Troy si Travis sa kung saan. At
