Chapter Ten
Pagdating nila sa Batangas Port ay ipinark muna ni Troy ang kotse niya sa isang paid parking area. Bumili naman si Travis ng ticket nila para sa bangka.
"Roro na lang ang sakyan natin," sabi pa ni Troy.
"Ang arte mo. Nakabili na ako ng ticket para sa bangka. 1 hour na biyahe lang naman," reklamo pa ni Travis.
Nagdadalawang isip na sumakay pa no'ng una si Troy. Natatakot siya na maliit masyado ang bangka na sasakyan nila tapos marami itong sakay na pasahero. Pakiramdam niya ay lulubog sila. Kahit na marunong siyang lumangoy, hindi niya alam kung bakit parang nakakaramdam siya ng tensyon sa maliit na bangkang ito. Siguro dahil nga marami sila.
"Todo kapit ka naman sa akin? Akala mo ba erpats mo ako?" pang-aasar pa ni Travis sa kanya.
Hindi talaga ito nakakatulong eh. Kina
