Chapter Thirteen
Bumalik din kaagad si Quinn pagsapit ng Lunes. At tila nagpatuloy pa rin ito sa mga inaasikaso nito. Ngunit hindi nito inasahan na makikita nitong muli ang Ate Mikka nito na anak-anakan din ng umampon sa kanya noon.
"Pagala-gala ka ngayon? Ini-enjoy mo ang magarbo mong buhay na hindi mo naman matatamasa kung hindi ka pinulot ni Mommy sa bahay ampunan noon?" nagulat pa si Quinn nang makasalubong na naman niya ito.
Napa-atras siya dahil natatakot siya na baka bigla na naman siya nitong sampalin.
"Ate, alam ko naman na mali ang ginawa ko noon. Pero hindi ko naman pinabayaan si Mommy Thet kahit nasa malayo ako," paliwanag pa rin ni Quinn.
Umaatras siya sa tuwing humahakbang palapit sa kanya ang Ate Mikka niya.
"Hindi pinabayaan? Ni hindi ka nga nagparamdam? Kahit piso hi
