Chapter Fourteen
Nag-ikot ikot pa si Troy sa buong resort. Nakita pa niya sa bulletin board ang chart ng mga staff ng resort. Wala ro'n ang pangalan o larawan ni Quinn. Mukhang mali nga talaga siya ng akala.
Habang naglalakad lakad siya ay muli na naman niyang nakita ang batang lalaking nakabangga sa kanya kanina. Tila natakasan na naman nito ant nagbabantay sa kanya.
"Kuya!" masayang tawag pa nito sa kanya.
Tumatakbo pa ito palapit sa kanya kaya sinalubong naman niya ito kaagad dahil baka madapa pa ito.
"Hello. Kumusta ka?" bati niya rin naman dito.
"Candy?" tanong nito sa kanya.
Natawa naman si Troy dahil mukhang hinahanapan na naman siya nito ng candy dahil kanina ay binilhan niya ito.
"Ay, kakatapos mo lang kumain ng lollipop kanina, di'ba? Bukas na ulit. Baka malagot ako sa m
