Those Three Little Words

#ThoseThreeLittleWordsPrologue “Nakatanggap ka ng red card galing sa ROZEN?” tanong ni Green sa kanyang kaibigan na si Nate. Kakabukas lang niya ng kanyang locker nang makita niya ang pulang tag na nakadikit sa kanyang locker at may nakalagay na ROZEN. Ang sabi-sabi ay kapag nakatanggap ka ng ganoong card ay ito na ang susunod na target ng ROZEN. Ang ROZEN ay isang banda pero hindi lang din naman sila basta banda dahil paborito rin nilang apihin ang mga taong mas mababa ang uri sa kanila katulad na lang nilang dalawa ng kanyang kaibigan at galit nag alit si Nate sa ganoong mga tao. Hanggang ngayon nga ay hindi maintindihan ni Nate kung bakit baliw na baliw ang mga babae sa kanilang apat samantalang kung umasta sila ay hindi naman mga edukado. Anak-mayaman lang sila pero mas masahol pa sila sa hayop. “Tiyak na pagtitripan ka ng mga ‘yon, Nate! Lalo na iyong leader nila na si Levi!” natatarantang sabi ni Green sa kanya. Kamakailan lang ay tuluyang naagaw ni Nate ang atensyon ng ROZEN. Bakit? Dahil sa dinami-rami ng estudyante sa Princeton Academy ay wala pang nanubok na kumalaban sa kanila maliban kay Nate. Sinugod niya si Levi nang malaman niyang nabully nito ang kanyang kaibigan na si Green.   Hindi lang din naman iyon ang unang pagtatagpo nila. Nagsimula iyon sa pagtapak ni Levi sa bagong bili ni Nate na cellphone na siyang nahulog sa sahig nang pagkaguluhan siya ng mga estudyante sa cafeteria. Imbes na humingi ng pasensya ang nakatapak ay sinungitan lang siya nito kung kaya’t inis n ainis si Nate sa kanya. Siyan a nga nakasira ng cellphone ko, siya pa may ganang umasta na parang may nagawa akong mali! Nakakagigil talaga ang lalaking ‘yon! “Pakialam ko kung pagtripan nila ako? Dapat lang naman iyong mga sinabi ko sa kanya no!” sigaw nito kay Green. “Tama yan, Nate! Matapang ka talaga! Hayaan mo, tutulungan din kita na protektahan ka laban doon sa ROZEN na ‘yon,” wika niya. Tinapon niya ang red card sa basurahan at pumunta na sa kanyang klase habang si Green naman ay pumunta na rin sa klase nito. Magkaiba sila ng kursong kinuha. Si Green ay Business Management ang kinuha niya dahil siya ang magmamana ng business ng pamilya niya balang-araw habang si Nate naman ay culinary dahil iyon ang bumubuhay sa kanila ngayon. Ang pagluluto. Nagtatrabaho ang mama niya sa isang restaurant at tagaluto siya roon. Maraming nagkakagusto sa luto niya kung kaya’t maraming customer talaga ang nagpupunta sa kainan na ‘yon habang ang papa naman niya ang tagadeliver ng mga order ng mga suki nila.   Binuksan niya ang pinto ng kanyang classroom nang biglang may bumuhos sa kanyang malamig na tubig. Napamura siya ng malutong at napapikit ng mariin. Narinig naman niya ang tawanan ng mga ibang estudyante na naroon at pinapanood lang siya.   “ROZEN ba ang nag-utos sa inyo na gaNate sa akin ito?” naiinis nitong tanong sa kanila pero hindi sila sumagot. Ha! Ano bang akala noong apat na ‘yon? Na hindi ako kakasa dahil lang sa pinagtitripan nila ako? Kahit ilang beses pa nila ako pagtripan, hindi ako magpapatalo sa kanilang apat lalo na sa Levi na ‘yon! Inis niyang hinanap ang ROZEN sa loob ng Princeton. Hindi nanmab siya nahirapan na hanapin ang mga ito dahil palagi naman silang magkakasamang apat. Nakita siya ni Kiro na siyang drummer ng band ana tumatakbo papunta sa kanila. Pinalingon nito si Levi sa gawi ni Nate. Nakakunot ang noo nito at maangas ang tingin. Nakataas pa ang isang kilay habang nakatago ang mga kamay sa magkabilang bulsa ng pantalon. “Levi! Walang sinuman ang pwedeng mambully sa akin!” sigaw niya. Tumalon siya pagkatakbo niya at malakas na sinipa ang lalaki sa mukha na siyang ikinagulat ng lahat.