Ang mga nakalipas na araw ay naging espesyal para kay Lara. Maayos at masaya naman ang naging pagsasama nila ni Draco sa mansiyon at wala nang mahihiling pa ang dalaga. Namumuhay silang parang mag asawa sa iisang bubong. May mga pagkakataon pa rin naman na nagiging bugnutin pa rin si Draco lalo na at kapag naalala nito ang dating nobya ngunit iniintindi na lamang iyon ni Lara. Umaasa siyang isang araw ay gigising na lang ang binata na makakalimutan na ang kaniyang hindi magandang nakaraan.
Unti-unti na ring nasanay si Draco sa liwanag. Kapag gabi na ay ginagawa na niyang magbukas ng ilaw sa kaniyang silid. Kung minsan ay sa kwarto niya sila natutulog ngunit madalas naman ay sa kuwarto ni Lara.
Kaaakyat lang niya, galing siya sa basement. Ilang oras din siyang naglagi roon at naglilok. Pa
