"Ang ganda-ganda niyo naman, Ma'am." Masayang pambungad sa akin ni Manang Carmen nang makababa ako ng hagdanan. May dala pa itong sandok at nakasuot pa ng apron.
"Aba'y oo nga, Ano? Ang ganda niyo yata ngayon, Ma'am Grace?" bati naman sa akin ni Mang Manuel na busy sa paglagay ng pintura sa ceiling ng kusina. Nasa unahan naman si Jonas at Totoy na panay sipol pa sa akin. At pinupuri rin ako.
"Salamat po. May lakad kami ngayon ni Manang." Ngiti ko rito.
"Saan tayo pupunta, iha? Wala kang sinabi sa akin?" pagtataka ni Manang.
Hinarap ko siya pagkatapos nilawakan ko pa ang mga ngiti.
"Pupunta po tayo sa bayan. Samahan niyo ako, may bibilhin ako tapos ikaw naman po mamalengke." Mas nagkasalubong ang mga titig nito sa akin.
"E, Ma'am! Marami pa tayong pagkain. Punong-puno pa ang refrig
