Magsasalita pa sana si Kuya Nero pero bigla nitong itinikom ang bibig nang may dumating na kotse. Bumaba buhat doon si Ate Ren. Hindi ko alam pero palagi na lang saktong dumarating si Ate Ren kapag may kausap ako sa harap ng gate.
"Ram," napatingin naman kami kay Ate Ren na bagong dating. "Hey, Sandro," bati nito kay Kuya Sandro. "Anong ginagawa ninyo dito? Bakit hindi kayo pumasok?"
Umayos ng tayo si Kuya Sandro at binitawan ang kamay ko. "Hindi na, hinatid ko lang si Ramona."
Nakangiting itinaas ni ate ang kilay niya pero wala naman itong sinabing kakaiba. "Ganoon ba? Thanks for driving her home."
Tumango si Kuya Sandro bago nagpaalam, "Sige, mauna na ako. Ram, Ate Ren." Tumingin lang ito kay Kuya Nero at simpleng tinanguan ang huli bago bumalik sa sasakyan niya.
Kumaway pa ako sa k
