chapter 44
Rafael
Napagkasunduan namin ni Veronica na puntahan ang puntod ni Miranda. Ang balak namin mamasyal kami sa park o ‘di kaya sa mall, ngunit na e-kwento ko sa kanya na hanggang ngayon ay hindi pa rin ako nakapunta sa puntod ng girlfriend ko.
Pinilit niya ako na bisitahin iyon at harapin ang katotohanan, kaya nag lakas loob ako na bisitahin ang libingan ng pinakamamahal kong babae na pinangarap kong makasama habang buhay.
Nang makita ko ang puntod ni Miranda, halos gumunaw ang mundo ko. Bigla na lang akong nanghina kaya napatiklop na ang tuhod ko sa lupa. Walang kasing sakit ang nararamdaman ko ng harapin ko na ang puntod ni Miranda. Hindi ko na nga napigilan ang aking mga luha, kaya napahagulgol na ako ng iyak. Mabuti na lamang at nariyan si Veronica. Pinapalakas nito ang ak
