CHAPTER 14
ELENA
Habang nasa sasakyan kami ni Rafael ay tahimik lang ako. Gusto ko na lang sana dumaan kay Ate sa hospital, pero tiyak na magagalit siya.
“Babe, okay ka lang ba? Masakit pa ba ang tiyan mo? Gusto mo dalhin ka namin sa hospital?" tanong ni Rafael sa akin.
Hinawakan pa niya ang aking kamay.
“Medyo masakit-sakit pa, Babe. Ipahinga ko lang ito," sagot ko kay Rafael. Gustuhin ko man na samantalahin ang pagkakataon na pumunta sa hospital, pero ayaw ko naman na maiinis na naman si Ate sa akin. Wala rin akong balak na sabihin kay Ate ang tungkol sa mga sinabi ni Victoria.
Paano pala kung si Ate ang kaharap ng Victoria na iyon? Masyadong mabait si Ate, at alam ko na hindi niya papatulan si Victoria.
“Ano kaya kung dumaan tayo sa botika? Bumili tayo ng gamot para sa sakit ng
