CHAPTER 22
ELENA
Mataman kong pinagmasdan ang doktor na nasa aking harapan. Anong sinasabi niya na nasa morgue na ang ate? Hinihintay ko na bawiin niya ang sinabi niya. Paanong nasa morgue si Ate, eh hindi pa nga siya nakalabas sa silid na iyon. Kanina pa kami naghihintay rito sa labas ng operating room ni Manong Jose. Hinihintay ko na bawiin niya ang sinabi niya sa akin. Baka nagkamali lang siya ng pagkasabi.
"Dok, nagkakamali po yata kayo. Si Ate Miranda Welson, po ang Ate ko. 'Yong donor ng mga mata ni Rafael Moran. Pareho po kası sila pumasok sa silid na iyan," sabi ko sa doktor sabay turo ko pa ng aking nguso sa pintuan ng operating room.
"Alam ko po. Sa loob nito may dalawa pang silid. Ang isa kay Miss Miranda Welson at sa kabila naman maroon si Mr. Rafael Moran. May exit sa lo
