Malapad na ngisi ang isinagot niya sa sinabi ni Gazi bago niya itinaas ang isang kamay upang i-akbay sa balikat nito. Sunod siyang binalingan ang mga dalagang nagtaasan lang ang kilay. "Well, you heard her. She's the boss, ladies," aniya sa mga ito kasunod ang isang makamamatay na kindat.
Si Gazi ay muling nagsalita. "So, mauna na kami sa inyo. May kailangan pa kaming gawin sa bahay namin."
"Bahay ninyo?" nagpalipat-lipat ang tingin ni Mitchy sa kanilang dalawa ni Gazi.
"Yes," sagot muli ni Gazi sabay hapit ng husto sa kaniya. "We are living together."
"Oh." Iyon lang ang lumabas sa mga labi ni Mitchy— nasa mukha ang labis na pagkamangha.
"Catch you some time, Mitch," sabi ni Gazi sabay kalabit sa kaniya. "We really have to go."
Hindi na nakapag-salita pa si Mitch at tumango na lang.
