"Akin na 'yang mga bitbit mo. Nahihirapan ka na pero ayaw mo pa ring tulungan kita," naka-iling na sabi ni Raven habang pinagmamasdan kung papaanong pilit na binibitbit ni Gazi ang dalawang plastic bags na may lamang art supplies, tatlong makakapal na libro, at ang backpack nito sa balikat na hindi niya mapagdesisyunan kung ano ang laman dahil laging mabigat.
Bitbit na ni Gazi ang mga iyon simula nang lumabas ito sa eskwela. At kahit ilang beses niyang pilit na kinuha rito ang mga iyon ay ilang ulit din itong tumanggi at nagsabing kaya na ang sarili.
"Alam mo kung bakit ayaw kong ipabitbit sa'yo ang mga 'to?" tanong nito habang patuloy lang sa mabilis na paglalakad.
"No, help me understand," aniya, ang mga kilay ay nagsasalubong na.
"Dahil napaka-cliché mo," tuya nito. "How can all men
