┈┈┈┈◦•✩•◦┈┈┈┈
Ilang araw ng hindi nakikita ni Sebastian si Adriana. Kahit na anong paghahanap ang gawin niya ay hindi niya alam kung nasaan ang mga ito. Hindi niya alam kung lumabas ba ang mga ito ng bansa, wala siyang makuhang kahit na anong impormasyong magtuturo sa kanya na nakalabas na ang mga ito ng bansa. Hindi rin nila alam ngayon kung nasaan si Gavin dahil bigla na lamang din itong nawala. Kung si Gavin man ang kasama ng mga ito ngayon ay napaka imposible na nga para kay Sebastian na malaman at mahanap nito ang kinaroroonan nila Adi, dahil siguradong ginagamit ngayon ng pinsan ni Sammy ang kapangyarihan at impluwensya nito upang maitago ni Gavin ang babaeng mahal ni Sebastian.
"Patawarin mo ako Adi, hindi ko sinasadyang saktan ka. Alam ko na napakalaki ng kasalanan ko sayo at hin
