Abot-abot ang kaba ni Peri habang paparating ang nakatakdang oras. May tila nakadagan na mabigat na bagay sa kanyang dibdib.
Nasa harapan lang niya si Saifron ang lalaking tinitibok ng kanyang puso pero hindi niya maintindihan kung bakit parang hindi nababawasan ang kanyang kaba.
Parang walang kakayahan si Saifron na pawiin ang kanyang pangamba kahit pa kanina pa siya nito kinakausap.
Ilang sandali lamang at dumating na ang mga kawal.
Binuksan ang pinto ng kanyang kulungan at agad na sinunggaban siya.
" B-Bitiwan nyo ko! Saifron! " sigaw niya, pero ito man ay hawak na rin ng dalawang kawal.
Parehas silang kinaladkad sa labas.
Ngunit patungo sa magkaibang deriksyon.
" Peri! Periiii! " sigaw naman nito sa kanya.
" Saifron!" sigaw din niya.
Pero nawala na ito sa p
