Patuloy lamang sa paglalakad si Prinsipe Saifron sa kakahuyan. Hindi niya tiyak ang patutunguhan, hindi naman siya natatakot dahil likas siyang pinalaki bilang pinuno ng mga tagapagtanggol sa kanilang palasyo.
Isa pa kaya niyang paganahin ang kapangyarihan kahit na andito pa siya sa lupa. Habang ang mga kawal ng palasyo kanina ay binabalak na isagawa ang pagbitay sa kanya, lingid sa kaalaman ng mga ito na nakasalamuha sa karamihang manonood si Ugwang.
Napakalaki talaga ng papel nito sa buhay niya, nalaman nito na nasa panganib siya. Tinulungan siya nitong makatakas, pinasakay siya nito sa lumilipad nitong tingting. Sa hardin kung saan ang pagitan ng Ibat-ibang mundo ang naisip niyang puntahan.
Swerte namang nakita niya doon ang kanyang kapatid na si Prinsipe Saimon kasama si Periwink
