Kinabukasan bigat na bigat ang ulo niya dahil hindi siya makatulog kagabi sa kaiisip kay Gideon. Pagkaligo niya nagbihis na siya ng uniporme at naglagay ng make up para takpan ang pangingitim ng ilalim ng kanyang mga mata.
Hindi nga niya naiwasan na silipin ang cellphone niya pagbangon, tila siya umaasa ng tawag o text galing kay Gideon pero bigo siya. Sinita pa nga niya ang sarili sa ginawa.
"Ayaw mo bang ipasama kita sa kasambahay mamaya papuntang mall?" Tanong ng lola niya matapos nilang kumain ng almusal. Silang dalawa lang ng lola niya ang nag almusal dahil maagang umalis ang lolo niya.
"Huwag na po lola, baka po kasi matagalan ako, at para na rin po makapili ako ng maisusuot ko," she said.
"May kaibigan ka bang sasama sa iyo?" Tanong pa ng lola niya. Iniling niya ang ulo.
"Wal
