“Hoy! Anong nangyari sa’yo? Bakit ka tulaley ka? Siguro narinig mo yung babaeng multo na umiiyak sa c.r ano?”
Napatingin ako kay Clare dahil sa sinabi niya. Hangang ngayon kasi ay hindi ko pa rin maipaliwanag yung dapat kong maramdaman dahil kay Noah. Kaya wala ako sa sarili kahit nasa loob na ako ng classroom. Kahit bulong lang yun maliwanag sa pandinig ko yung huling sinabi niya.
“Mamahalin pa kita sa tamang panahon.”
Napahawak ako sa aking dibdib hindi pa rin siya nahupa. Pagkatapos niya akong yakapin ay inihatid na niya ako sa building ng next subject ko. Pareho na kaming tahimik kanina. Pero yung puso ko wala pa ring tigil sa malakas na pagtibok. Ito na ba yung tinatawag nilang love?
“Sumagot ka nga! Nakita mo si Mira ano?” Pangungulit pa ni Clare. Ibinalik ko sa kanya ang presen
