Matagal kong tinitigan ang screen ng cellphone ko. Ipinagtataka ko kung paano niya nakuha ang number ko. Hindi ko naman maalala na binigay ko sa kanya yun. At yung huli niyang sinabi na nagpabago ng ritmo sa aking puso. Masyado pa akong bata para sa ganitong pakiramdam. Hindi ko alam kong dahil lang ba sa sobrang bait niya sa akin o talagang hinahangaan ko na siya simula noon pa.
“Hoy!”
Napabaling ako ng tingin kay Clare.
“Bakit ganyan ang itsura mo?” Natatawang tanong niya sa akin. Para na pala akong tanga na nakatitig lang sa screen at nakaawang pa ang bibig ko.
“A-eh yung kapitbahay lang namin.” Nakangiwi kong sagot sa kanya.
“Weeeeehhh? Baka boyfriend?” Nakangiti niyang sabi. Pakiramdam ko ay nag-init na naman ang pisngi ko.
“Hindi no! Wala pa akong boyfriend at bata pa ako.
