SANDALING nahinto ang laro dahil sa nangyari kay Ricky Mendez. Ang magkabilang team ay nakaupo na sa kani-kanilang bench. Sa team ng CISA, tahimik ang mga ito. Akala nila ay hindi napapagod si Ricky. Ngunit mali sila. Inaalala nga nila kung okay lang kaya ito? Gusto nilang samahan ito sa ambulansya ngunit may laro pa silang kailangang tapusin. Isa pa, nawala na si Ricky, ang bumabantay kay Avenido. Kung walang babantay rito ng kagaya ng depensa ni Ricky, magagawa na nitong makapuntos ng malaya kung magpapatuloy ang game.
"Gawin nating inspirasyon si Ricky! Gusto kong kapag pumunta tayo sa ospital ay masaya tayo!"
"Gusto kong manalo tayo para sa efforts niya!" Seryosong sinabi ni Reynan sa kanyang team.
Napangisi na lang si Cunanan nang marinig iyon. Napakuyom siya ng kamao at pinagmasda
