ANG inaakalang unang puntos para sa CLCC ng mga manonood ay hindi inaasahang napigilan ng isang player na walang nakakakilala. Isang block mula kay Mendez ang natanggap ni Castillo. Nakita nila ang mabilis na paghabol nito na ikinabigla ng marami.
Alam nilang maliksi si Castillo, subalit ang block na iyon... patunay iyon na may isang pares ng mga binti at paa ang kayang sabayan ang galaw nito.
Napangisi na lamang si Castillo habang pinapatalbog ang bola sa harapan ng player ng CISA na si Mendez. Nakikita niya ang kaseryosohan nito sa pagbantay sa kanya.
Gaano na nga ba karami ang bumantay sa kanya simula ng maglaro siya ng basketball? Marami na! Marami rin dito ang matinik dumipensa katulad ng kaharap niya ngayon... Ngunit iyon ang naging mitsa upang mas magpirsige siya.
Hindi siya tum
