PAGKADATING ni Ricky sa CISA ay sa basketball court kaagad siya nagpunta. Doon ay napansin niya na may ilang mga estudyante ang may pinapanood na naglalaro. Habang papalapit siya rito ay naririnig niya ang pagtalbog ng bola at ang maliksing pagtapak ng sapatos ng naglalaro sa court.
Doon ay nakita niya ang dalawang player na nakahubad ng damit. Naliligo sa pawis at tila kanina pa nagpa-practice. Hindi... Isa itong one-on-one! Naabutan ni Ricky na dinidepensahan ni Kier si Macky.
Parehong may hingal na sa dibdib ang dalawa. Si Macky ay bumigla ng step-back jumpshot. Hindi iyon naabutan ni Kier at ang tirang iyon ay pumasok.
"32-20!" Sambit ni Macky na nginisian pa si Kier. Doon ay si Kier naman ang nagdala ng bola.
Kalmado lang ito at seryosong pinapatalbog ang bola. Malumanay at mababa
