LINGGO ng umaga. Maaga na namang nagising si Ricky para sa nakagawian niyang practice sa basketball court na malapit sa kanilang bahay. Tulad ng mga madalas mangyari, siya ang nauuna rito dahil madilim pa lang ay naglalaro na siya rito. Ilang araw na rin niyang nakakalaro si Rodel rito, ang kanilang back-up Center ngunit sa araw na ito ay wala ito. Iyon ay dahil maaga itong pupunta sa palengke para tulungan ang magulang nito na nagtitinda ng gulay roon.
Pagkatapos ng halos walang tigil na dribbling at shooting, si Ricky ay sandaling namahinga sa gilid. Napaupo siya at hinawakan ang bola, pagkatapos ay napatingin na siya sa kawalan. Bigla niyang naalala si Mika. Kahit ayaw niya itong isipin ay bumabalik ito sa kanyang utak. Ilang araw na niyang hindi ito nakikita. Ni wala ito sa practice n
