NAKANGISING nakaupo sa isang lugar sa loob ng gym ang players ng CU na sina Ibañez, Alfante at Rojas. Nagpunta rin sila ng CCC para manood ng laban. Si Ibañez, nakasuot ng shades at mapapansin sa pisngi nito ang tila mantsa na nilikha ng suntok na binigay ni Mendez noong linggo. Sa totoo lang ay kating-kati siyang gantihan ito pero nagtimpi siya. Gusto niyang sa court niya ito durugin. Gusto niyang padapain ito sa paglalaro ng basketball. Gusto niyang iyon ang kanyang gawin upang ipakita niyang wala itong ibubuga sa kanya.
"Palagay mo? Matatalo ba ng CISA ang CCC?" wika ni Rommel Alfante na nasa kaliwa ni Ibañez.
"Mahihirapan pa rin sila lalo't wala si Cunanan... Wala silang tutulong pumuntos kay Romero. At isa pa, mahina sila sa rebounding." Ani naman ni Ibañez na kampante sa kanyang ob
