"FRANCEZ?"
Naalimpungatan si Francez nang maramdaman ang marahang pagyugyog sa balikat niya. Kinusut-kusot niya ang mga mata at pupungas-pungas na napaupo mula sa pagkakahiga.
"Bakit ba?! Istorbo ka naman eh!" pagmamaktol na singhal niya kung sino man ang gumising sa kanya.
"Nauuhaw ako."
Narinig niya ang isang nanghihinang boses. Sumikdo ang dibdib niya. That voice. Hindi siya maaaring magkamali. Nang maalala ang kalagayan ni Prince ay nawala bigla ang antok niya at tuluyang iminulat ang mga mata upang tingnan ito. Nakita niyang nakadapa ito at lupaypay ang katawan. Malapit na itong mahulog sa kama niya marahil ay dahil sa pilit nitong pag-abot sa kanya nang gisingin siya nito. Mabilis niya itong dinaluhan at agad tinulungan itong maibalik mula sa pagkakahiga.
Napangiwi siya. Ang bi
