"ANAK, nakahanda na ba 'yung mga kandila at flashlight na gagamitin?" tanong ng ama ni Francez sa kanya nang pumasok ito sa loob ng silid niya.
"Opo 'Pa. Nandoon na lahat sa sala yung mga emergency kit," sagot niya. Pati mga battery ng cellphone niya ay na-full charge na rin. May bagyo kasi ngayon kaya inihahanda na nila ang mga kakailanganin nilang gamit just in case of emergency.
"Naisara mo na ba 'yang bintana mo?"
Tumango siya sa tanong nito. Chineck pa nito iyon. Nang masigurong wala nang problema sa silid niya ay umalis na ito. Inayos na lang niya ang mga gamit niya sa loob at naglinis.
Sigurado siya, nang mga oras na iyon ay malakas na ang ulan sa labas at sinasabayan pa iyon ng malakas na bayo ng hangin. Malamang ay lubog na sa baha ang ilang lugar sa Manila. Mabuti na lang da
