Savannah
Tahimik kaming nag-aalmusal at tanging mga tunog ng kubyertos ang maririnig. Nakatutok ang mga mata ko sa aking pagkain at hindi ko magawang tumunghay sa kanila. Ngunit ramdam ko ang pagsulyap nila sa akin. Nag-iinit ang aking mukha dahil sa labis na kahihiyan. Hindi ko talaga matandaan kung ano ang ngyari kagabi kaya hindi ko magawang tumingin kay Albrey, gayon din kay Ate dahil naman sa pagtulog ko sa kwarto ni Albrey. Gusto ko na lang magpalamon sa sahig. Ngunit isang tanong mula sa kapatid ko ang nagpatunghay sa akin.
"Kumusta pala ang graduation mo, Sav? Hindi mo man lang ako tinawagan or kahit nagsend ka lang sana ng picture mo na naka-toga," may pagtatampong sabi ni Ate Sha.
Halos mabulunan ako sa tanong niya at hindi ko malaman ang sasabihin ko. Kaagad naman akong inabu
