Nagpatuloy sila sa kanilang paghakbang, ilang sandali pa nang pareho na silang matigilan na dalawa nang biglaang bumagsak ang malakas na buhos ng ulan na hindi mo malaman kung saan iyon nanggaling ng mga sandaling iyon. Nanlalaki ang mga mata ni Grezia na napatingin sa banda pa ni Dameil. Wala namang inaksayang oras at panahon ang binata na mabilis na tumakbo palapit kay Grezia at walang pag-aalinlangan na hinila ang isang kamay niya. Gulantang ay walang nagawa si Grezia kung hindi ang sumabay sa kanyang tumakbo. Wala ng panahon ang dalaga upang magreklamo pa, isinantabi niya na muna ang kanyang mga hinaing at kahihiyan ng mga oras na iyon. Hindi rin alam ni Grezia kung paano niya nagawang buhatin ang kanyang mabigat na maleta nang dahil sa kanyang pagmamadaling makatakbo. Para bang kaya n
