Mabilis na napabalikwas ng bangon si Grezia, halos wala pa siyang tulog ng mga sandaling iyon. Marahas niyang ginulo ang kanyang buhok, inis na inis na siya sa kanyang sarili nang mga oras na iyon. Nang tingnan niya na ang screen ng kanyang cellphone ay alas-dos na iyon ng madaling araw at hindi pa siya natutulog kahit na ilang segundo. Ginugulo siya ng mga bagay na nangyari sa kanilang pagitang dalawa ni Dameil kanina. Tila ba nakapagkit pa ang mainit nitong labi sa kanyang bibig. Wala sa sarili niyang sinalat ang labi na marahan niya nang kinagat-kagat nang maalala ang banayad na halik ng binata sa kanyang labing tila uhaw na uhaw sa mga halik nito. Hindi siya makapaniwala na papaunlakan niya ang mga halik na iyon at kanya pa itong agad na tutugunan. Mariin niyang ipinikit ang kanyang na
