Nilalamon pa ng dilim ang buong paligid nang lisanin ng chopper ni Dameil ang helipad na matatagpuan malapit sa kanyang kumpanya at opisina. Panaka-naka pa lang noon ang tilaok ng mga manok sa malayong kabahayan na mayroong mga alagang tandang. Halos tulog pa ang mga tao sa lugar, mangilan-ngilan pa lang ang gising doon na ang iba ay nag-iintay sa dalampasigan ng mga dadaong na taksay o bangkang nanghuli ng isda upang kanilang pakyawin sa discounted na halaga at itinda ang mga isdang kanilang naging huli sa nakalipas na buong magdamag. Noon ay naisip ni Dameil na gawin iyong negosyo, ngunit nang may mabalitaan na may malalaking barko ang gumagawa noon ay mas minabuti na lang niyang para sa turista ang itayo niyang negosyo. At lingid sa kaalaman ni Dameil na ang kilala niyang may kumpanya n
