ISANG singhap ang tumakas sa lalamunan ni Violet matapos iiwas ang mukha. Ilang sandali lang na naghiwalay ang mga labi nila ni Dashiel dahil sinapo na nito ng magkabilang palad ang kaniyang mga panga. Nilamukos ulit siya nito ng halik. Ramdam na ramdam ng dalaga ang matinding galit ni Dashiel. Nasasaktan siya sa ginagawa nito. Ibang-iba ang paghalik nito sa mga halik na ibinigay nito noon sa kaniya. He was using his teeth and tongue on her. Mapwersa ang pag-angkin nito sa bibig niya na kulang na lang ay lunukin siya nang buo. Hindi nga malaway ang halik ni Dashiel gayunman ay nasasaktan siya ng ngipin nito. Hindi na siya magtataka kung magkasugat-sugat ang mga labi niya pagkatapos.
"Breathe."
Kaunti na lang ang hangin niya sa baga nang biglang pakawalan ni Dashiel. Hinabol-habol ni Vio
